Rusiyada “Booking.com”un fəaliyyəti məhdudlaşdırıla bilər
Moskva, 23 may, AZƏRTAC
Rusiya Federal Turizm Agentliyi Mədəniyyət Nazirliyinin tapşırığı ilə otellərin internet bronlaşdırma sistemi olan “Booking.com”un Rusiyada fəaliyyətinin məhdudlaşdırılması təklifini nəzərdən keçirir.
AZƏRTAC xəbər verir ki, agentlik qərarını iyunun 4-də açıqlayacaq. Məsələ ilə bağlı Rusiyanın müvafiq turizm agentliklərinə və şirkətlərinə sorğu göndərilib. Ehtimal ki, məhdudiyyət yalnız Rusiya otellərinə və Rusiya ərazisində olan müştərilərə aid olacaq. Eyni zamanda, rusiyalılar xarici ölkələrdə və əcnəbilər xaricdən Rusiyadakı otellərdə nömrələri “Booking.com” vasitəsilə bron edə biləcəklər.
ABŞ-ın “Booking Holdings” şirkətinə məxsus “Booking.com” beynəlxalq onlayn bronlaşdırma sistemi 1996-cı ildə yaradılıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
