Rusiyanın Altay regionunda 6,4 maqnitudalı zəlzələ olub
Moskva, 15 fevral, AZƏRTAC
Fevralın 15-də Rusiyanın Altay Respublikasında 6,4 maqnitudalı zəlzələ baş verib. Onun episentri Qoş-Aqaç rayonunun Beltir kəndi yaxınlığında olub.
AZƏRTAC xəbər verir ki, yeraltı təkanlar Altay Respublikasında, eləcə də Altay diyarı, Kemerovo və Novosibirsk vilayətlərində hiss olunub.
Bəzi məskunlaşmış ərazilərdə binalara cüzi ziyan dəysə də, onların konstruksiya elementlərinə təsir etməyib. Bölgənin rəhbəri Andrey Turçak yüksək hazırlıq rejiminin tətbiq olunduğunu açıqlayıb. Qoş-Aqaç və Ulaqanski rayonlarında məktəblərdə dərslər dayandırılıb və kütləvi tədbirlər ləğv edilib.
Yeraltı təkanları Novosibirsk sakinləri də hiss ediblər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
