RUSİYANIN XƏZƏR DONANMASI ÜÇÜN YENİ HƏRBİ GƏMİLƏR
Rusiya Hərbi Dəniz Donanmasının baş komandanı Vladimir Kuroyedov bildirmişdir ki, Tatarıstan gəmiqayıranları Xəzər donanmasının yenidən silahlandırılması proqramına uyğun olaraq, onlarca hərbi gəmi inşa edəcəklər.
Tatarıstanın Prezidenti Mintimer Şaymiyev ilə birlikdə o, Zelenodolsk şəhərindəki Qorki adına gəmqayırma zavodunda Rusiya Hərbi Dəniz Donanmasına keşikçi gəmisinin verilməsi münasibətilə keçirilən mərasimdə iştirak etmişdir.
İTAR-TASS-ın verdiyi xəbərə görə, “Gepard” seriyasından olan yeni gəminin uzunluğu 102 metr, su basımı 2,1 min ton, sürəti saatda 28 dəniz mili, müstəqil iş rejimi 30 gün, heyəti təxminən 100 nəfərdir.
V.Kuroyedov demişdir: “Zelenodolsk gəmiqayırma zavodu 2003-cü ildən Xəzər donanmasının yenidən silahlandırılması proqramını yerinə yetirməyə başlayacaqdır. Bu iş 7,5 ilə nəzərdə tutulmuşdur. Zelenodolskda “dəniz”, “çay-dəniz” tipli gəmilər buraxılacaq və onlar Həştərxan və Mahaçqalada yerləşdiriləcəkdir”.
Bölmənin digər xəbərləri
