SABİRABAD FERMERLƏRİ YENİ SUVARMA NASOSU ALACAQLAR
AZƏRTAC-ın müxbiri xəbər verir ki, sahibkarların bu qurğu ilə birbaşa iş üstündə əyani tanışlığına rayon icra hakimiyyəti imkan yaratmışdır. İstehsalçı olan Əli Bayramlı mexaniki təmir istehsalat birliyinin mütəxəssisləri tədbirdə iştirak edərək, nasosun əsas göstəriciləri barədə məlumat vermişlər. Nisbətən kiçik həcmli pay torpaqlarının suvarılmasına hesablanmış 40 QDK tipli nasosun elektrik enerjisinə xeyli qənaət etməklə, kifayət qədər su vurma imkanı sahibkarların marağına səbəb olmuşdur. Mexaniki suvarma idarəsi nasosun ilk dəstini güzəştli şərtlərlə fermerlərə tezliklə çatdırmaqda vasitəçilik etməyi öhdəyə götürmüşdür.
Bölmənin digər xəbərləri
