SABİRABADDA REKORD MİQDARDA TAXIL GÖZLƏNİLİR
AZƏRTAC xəbər verir ki, Sabirabadın torpaq mülkiyyətçiləri 22 min hektar sahədə yetişdirdikləri məhsulu yığmağa başlamışlar.
İlkin mərhələdə tam yetişmiş 3 min hektar arpa zəmisinin məhsulu biçiləcəkdir. Artıq 60 kombaynın köməyi ilə 1.400 hektarda biçin aparılmışdır.
Bu il rayonun zəmilərinin orta məhsuldarlığının rekord səviyyəyə - 38 sentnerə yüksələcəyi proqnozlaşdırılır. Əvvəlki illərdə olduğu kimi, cari mövsümdə də “Əzəmətli”, “Nurlan”, “Bərəkətli” və “Qılçıqsız-1” taxıl sortlarına üstünlük verilmişdir.
Yeri gəlmişkən, rayonda 10-a yaxın ixtisaslaşdırılmış toxumçuluq təsərrüfatı fəaliyyət göstərir. Builki məhsulun 8 min tona qədəri gələn il üçün əkin materialı kimi saxlanılacaqdır.
Bölmənin digər xəbərləri
