Sabirabaddakı seçki məntəqələrindən birində səsvermənin nəticələri etibarsız sayılıb
Bakı, 11 noyabr, AZƏRTAC
Noyabrın 11-də Məzahir Pənahovun sədrliyi ilə Mərkəzi Seçki Komissiyasının növbəti iclası keçirilib.
Mərkəzi Seçki Komissiyası Katibliyinin media və ictimai əlaqələr şöbəsindən AZƏRTAC-a bildiriblər ki, əvvəlcə Komissiyanın 2015-ci il 6 noyabr tarixli iclasının protokolu təsdiq edilib. Sonra 2015-ci il noyabrın 1-də Azərbaycan Respublikasının Milli Məclisinə keçirilmiş seçkilərlə bağlı Mərkəzi Seçki Komissiyasına daxil olmuş müraciətə baxılıb və Komissiya nəzdindəki ekspert qrupunun üzvü tərəfindən Seçki Məcəlləsində nəzərdə tutulmuş müddətdə və qaydada ətraflı araşdırılmış müraciətlə bağlı müvafiq qərar qəbul olunub.
Müraciətlə əlaqədar aparılan müzakirələrdən sonra 63 saylı Sabirabad birinci seçki dairəsinin 13 saylı seçki məntəqəsi üzrə səsvermənin nəticələrinin etibarsız sayılmasına qərar verilib.
Kütləvi informasiya vasitələrinin nümayəndələrinin iştirak etdikləri iclasda cari məsələlərə də baxılıb.
Bölmənin digər xəbərləri
