ELM VƏ TƏHSİL
Şagirdlər Bakı Ali Neft Məktəbində olublar
Bakı, 27 may, AZƏRTAC
Bakı şəhər Suraxanı rayonu 317 nömrəli tam orta məktəbin direktoru Leyla Əliyeva, məktəbin iki müəllimi və yuxarı sinif şagirdləri Bakı Ali Neft Məktəbində (BANM) olublar.
BANM-dən AZƏRTAC-a bildirilib ki, onlar ali məktəbin kampusunu gəzib, buradakı 600 nəfərlik Konqres zalı, Neft muzeyinin eksponatları, kitabxana, üzgüçülük hovuzu, idman zalları, tələbə yeməkxanası, auditoriya və laboratoriyalarla tanış olublar.
Daha sonra BANM-in tədris və elmi işlər üzrə prorektoru Sevda Zərgərova qonaqlara ali məktəb haqqında məlumat verib. Şagirdlərin təhsil almaq istədikləri ixtisaslarla maraqlanan prorektor onların yüksək nəticələr əldə edəcəklərinə və BANM-i seçəcəklərinə inandığını bildirib.
Məktəbin direktoru Leyla Əliyeva BANM-in kampusu ilə tanışlığın şagirdlər üçün səmərəli olacağına inandığını qeyd edib.