İyulun 5-dən 14-dək Yunanıstanın paytaxtı Afina şəhərində məktəblilər arasında 35-ci Beynəlxalq kimya olimpiadası keçirilmişdir.Bu bilik yarışında ölkəmizi Çağ Öyrətim Şirkətinin 4 nəfər şagirdi təmsil etmişdir. Şirkətdən müxbirimizə demişlər ki, 60 ölkədən 230-dan çox məktəblinin qatıldığı olimpiadada şagirdlərimiz yaxşı nəticə göstərmişlər. Onlar ABŞ, İngiltərə, İtaliya, İndoneziya kimi inkişaf etmiş ölkələrdən gəlmiş həmkarlarını geridə qoyaraq Vətənə 1 gümüş, 3 bürünc medalla qayıtmışlar.