Şahzadə Anna xəstəxanaya yerləşdirilib
London, 24 iyun, AZƏRTAC
Böyük Britaniya Kralı III Çarlzın bacısı Şahzadə Anna evində baş verən insidentdən sonra xəstəxanaya yerləşdirilib.
AZƏRTAC xəbər verir ki, bu barədə Bukingem Sarayından verilən məlumatda deyilir. Bildirilib ki, şahzadə Anna bazar günü axşam evində baş verən insidentdən sonra kiçik xəsarətlər və beyin sarsıntısı alıb. Ehtiyat tədbiri olaraq o, Bristolun Souzmed xəstəxanasına yerləşdirilib.
Qeyd edək ki, 73 yaşlı şahzadə Anna Kral Çarlzın kiçik bacısıdır.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
