Salyanda əsas kapitala yönələn investisiya 59,9 faiz artıb
Salyan, 23 fevral, Aydın Yavərzadə, AZƏRTAC
Ötən il Salyan rayonunda iqtisadi və sosial sahələrin inkişafı üçün bütün maliyyə mənbələrindən əsas kapitala 68 milyon 92,2 min manat investisiya yönəldilib ki, bu da əvvəlki illə müqayisədə 25 milyon 506,8 min manat və 59,9 faiz çoxdur.
Salyan Rayon Statistika İdarəsindən AZƏRTAC-ın bölgə müxbirinə verilən məlumata görə, əsas kapitala yönəldilən investisiyanın 56 milyon 900 manatı və ya 82,2 faizi dövlət, 12 milyon 91 min manatı və ya 17,8 faizi qeyri-dövlət mülkiyyətinə aid olub. Təhlil olunan dövr ərzində tikinti təşkilatları tərəfindən, həmçinin fərdi sahibkarlar daxil olmaqla, 2 milyon 394 min manatlıq tikinti-quraşdırma işləri görülüb.
Bölmənin digər xəbərləri
