SAMUX RAYONUNDA QUŞ QRİPİ İLƏ ƏLAQƏDAR MONİTORİNQ KEÇİRİLİR
Samux rayon baytarlıq idarəsinin rəisi Mürvət Bağırov AZƏRTAC-a demişdir ki, quş qripinə qarşı ciddi profilaktiki tədbirlər görülür. Artıq bir neçə gündür ki, Kür çayı boyunca monitorinqlər keçirilir. Bundan başqa, rayonun kəndlərində fəaliyyət göstərən baytarlıq məntəqələrinin işçiləri əhali arasında maarifləndirmə kampaniyasına başlamışlar. Bunlarla yanaşı, müxtəlif kəndlərdən 80 baş ev quşundan qan nümunəsi götürülərək müayinə üçün Respublika Baytarlıq Laboratoriyasına göndərilmişdir. Nümunələrdə bu təhlükəli xəstəliyin daşıyıcıları aşkar edilməmişdir.
Monitorinq may ayınadək davam edəcəkdir.
Bölmənin digər xəbərləri
