Samuxda yanğın baş verib, bir nəfər ölüb
Bakı, 2 aprel, AZƏRTAC
Samux rayonunda yanğın hadisəsi baş verib.
Fövqəladə Hallar Nazirliyindən AZƏRTAC-a bildiriblər ki, yanğın ümumi sahəsi 60 kvadratmetr olan birmərtəbəli ikiotaqlı evdə qeydə alınıb. Hadisə nəticəsində 1 otaq, mətbəx və ev əşyaları 33 kvadratmetr sahədə yanıb. Yanğının kəşfiyyatı zamanı 1972-ci il təvəllüdlü Hüseynov Habil Mikayıl oğlunun cəsədi yanğınsöndürənlər tərəfindən aşkar olunub. Evin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
