San-Fransiskoda ən iri restoranlar şəbəkələrindən biri bağlanıb
Vaşinqton, 21 oktyabr, AZƏRTAC
San-Fransisko şəhərinin səhiyyə departamenti “In-N-Out Burger” restoranlarını bağlayıb. Səbəb budur ki, həmin restoranların əməkdaşları müştərilərin peyvənd olunması sənədləri lazımi qaydada yoxlamırdılar.
AZƏRTAC “In-N-Out Burger”in bəyanatına istinadla xəbər verir ki, şirkət restoranların girişində vaksinasiya barədə tələbləri yerləşdirib, lakin bu tələblərə ciddi riayət edilmir.
“In-N-Out Burger”in baş hüquq və kommersiya direktoru Arni Vensingerin sözlərinə görə, şirkət rəhbərliyi hökumətin belə qərarları ilə əsla razı deyil, çünki bu qərarlar özəl şirkətləri məcbur edir ki, müştərilər vaksinasiya edilmədiyinə görə onların arasında ayrı-seçkilik yaradılsın.
Xatırladaq ki, avqust ayından etibarən San-Fransiskoda barlara, restoranlara, məşq zallarına və iri tədbirlərə getmək istəyən hər kəsin vaksinasiya olunmasını təsdiq edən sənəd təqdim etməsi tələb olunur.
AZƏRTAC-ın Vaşinqton bürosu
Bölmənin digər xəbərləri
