SANKT-PETERBURQ TƏLƏBƏLƏRİ ƏCNƏBİLƏRİ BASQINLARDAN QORUYACAQLAR
Dəstə Novoizmaylovsk prospektindəki tələbə şəhərciyində yaradılmışdır. Təşkilatçılar ümid edirlər ki, digər tələbə şəhərcikləri də onlardan nümunə götürəcəklər. Dəstənin artıq 20 üzvü var.
Sankt-Peterburq şəhəri və Leninqrad vilayəti Baş Daxili İşlər İdarəsinin məlumatına görə, Rusiyanın şimal paytaxtında 2005-ci ildə əcnəbi tələbələrə və vətəndaşlığı olmayan şəxslərə qarşı 1073 cinayət törədilmişdir. Məsələn, sentyabrda Konqodan, dekabrda isə Kamerundan olan tələbələr qətlə yetirilmişlər. 2006-cı ildə də əcnəbi tələbələrə qarşı cinayətlər törədilmişdir. Sentyabrda və apreldə Meçnikov adına Sankt-Peterburq Dövlət Akademiyasında təhsil alan hindistanlı tələbələr basqına məruz qalmışlar. Onlardan biri aldığı bıçaq yaralarından keçinmiş, digəri isə xəstəxanaya qoyulmuşdur. Millətçilərin daha bir qurbanı Rabitə İnstitutunun seneqallı tələbəsi olmuşdur.
Bölmənin digər xəbərləri
