“Saudi Aramco”: Neft tələbatı kəskin artacaq
Bakı, 26 fevral, AZƏRTAC
Qlobal neft tələbatı kəskin artacaq.
AZƏRTAC xəbər verir ki, bu barədə Səudiyyə Ərəbistanının milli neft şirkəti “Saudi Aramco”nun baş icraçı direktoru Amin Al Nasser fevralın 26-da Londonda işə başlayan ənənəvi Beynəlxalq Neft Həftəsində (IPWEEK) deyib.
O, neft tələbatının kəskin artacağına inanır: “Tələbatdakı böyük artımın əsas hissəsinin nəqliyyat sektorunda olacağı gözlənilir. Neft sənayesinin sona çatdığına dair açıqlamalar reallıq və ya məntiqlə dəstəklənmir. Bu, bazar üzərindəki təzyiqlərin bir əksidir. Neftə olan tələbatın yenidən maksimuma çatacağına dair proqnozların şişirdildiyini düşünürəm”.
Bölmənin digər xəbərləri
