Şaxtada partlayış nəticəsində 13 nəfər həlak olub
Praqa, 21 dekabr, AZƏRTAC
Bu gün Çexiyanın Karvin şəhəri civarında yerləşən “ČSM” şaxtasında metan partlayışı nəticəsində 13 şaxtaçı həlak olub. Onların biri çex, 12-si polyakdır. AZƏRTAC xəbər verir ki, şaxtanın içindəki temperaturun çox yüksək - 200 dərəcəyə qədər olması yanğınsöndürmə işlərini çətinləşdirir.
Çexiyanın Baş naziri Andrey Babiş və onun polşalı həmkarı Mateuş Moravetski faciə yerinə gəliblər. Çexiya Prezidenti Miloş Zeman həlak olanların ailələrinə dərin hüznlə başsağlığı verib.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
