“Sberbank” Türkiyədəki törəmə şirkətini Dubay bankına satıb
Moskva, 23 may, AZƏRTAC
Rusiyanın “Sberbank” bankı Türkiyədəki törəmə şirkəti olan “Dənizbank”ı Dubayın “Emirates NBD” bankına satıb.
AZƏRTAC xəbər verir ki, Rusiya bankı bu qərarı Avropa İttifaqı tərəfindən ölkəyə qarşı tətbiq edilən sanksiyalarla bağlı qəbul edib. “Serbank”ın İdarə Heyətinin sədri German Qref bildirib ki, sanksiyalarla əlaqədar törəmə şirkətdən gəlir əldə etmək, eləcə də onu maliyyələşdirmək mümkün deyil. “Dənizbank” Avropa sanksiyalarına məruz qaldığından Türkiyə bazarında rəqabət qabiliyyətini itirib.
Beləliklə, “Sberbank” “Dənizbank”ın aksiyalarının 99,85 faizini “Emirates NBD” bankına 14,609 milyard türk lirəsinə satıb. Sövdələşmə təsdiq edildikdən sonra “Dənizbank”ın bu il bağlanacağı gözlənilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
