Sədərək gömrük postunda tranzit nəqliyyat vasitələrinin keçidində artım nəzərə çarpır
Naxçıvan, 6 iyul, AZƏRTAC
Sədərək gömrük postu gün ərzində 2500-3000-ə yaxın vətəndaşa, 500-dək yük, 400-dək minik nəqliyyat vasitəsinə xidmət göstərir. Təbii ki, bu dinamika dəyişkəndir. Postun girəcəyində 7,3 hektar ərazidə TIR parkı var. Nəqliyyat vasitələrinin axınının düzgün şəkildə tənzimlənməsində, səmərəli fəaliyyətin təşkilində bu parkın rolu böyükdür.
AZƏRTAC-ın Naxçıvan bürosu xəbər verir ki, bunu jurnalistlərə açıqlamasında Naxçıvan Baş Gömrük İdarəsinin rəisi, gömrük xidməti general-mayoru Vüqar Əliyev deyib.
Onun sözlərinə görə, Sədərək gömrük postunda heç bir rəsmləşdirilmə aparılmır: “Rəsmiləşdirilmə Naxçıvan şəhərində yerləşən Gömrük Rəsmiləşdirmə Mərkəzində aparılır. Onu da qeyd edim ki, ötən il statistikaya nəzər salsaq, tranzit nəqliyyat vasitələrinin keçidində artım nəzərə çarpır”.
Bölmənin digər xəbərləri
