Səfir: Birləşmiş Ərəb Əmirliklərinin Azərbaycanla siyasi və mədəni əlaqələrinin səviyyəsi artır
Bakı, 22 noyabr, AZƏRTAC
Birləşmiş Ərəb Əmirlikləri ilə Azərbaycan arasındakı əməkdaşlıq və qarşılıqlı hörmət əsasında yüksək səviyyəli ikitərəfli münasibətlər mövcuddur. Ölkələrimiz arasında ticari, iqtisadi, siyasi və mədəni əlaqələrin səviyyəsi getdikcə artır.
AZƏRTAC xəbər verir ki, bunu Birləşmiş Ərəb Əmirliklərinin səfiri Məhəmməd Əl Bluşi ölkəsinin milli bayramı münasibətilə noyabrın 22-də Bakıda keçirilən rəsmi qəbulda deyib.
Səfir xatırladıb ki, hər iki ölkənin vətəndaşları vizadan azad edilib. Biz bərpaolunan enerji, neft-qaz və digər sahələrdə əməkdaşlıq edirik. Bununla bağlı 40 sənəd imzalanıb.
2023-cü ilin ölkəsində “Davamlılıq ili” elan olunduğunu diqqətə çatdıran diplomat BƏƏ-nin dünya miqyasında davamlı iqtisadi inkişaf modeli yaratdığını vurğulayıb. O bildirib ki, milli sərvət baxımından BƏƏ beynəlxalq yardımın ən böyük donorlarından biridir.
Məhəmməd Əl Bluşi çıxışının sonunda ölkələrimiz arasında münasibətlərin inkişafının yüksək səviyyəli tempdə davam edəcəyinə əminliyini diqqətə çatdırıb.
Bölmənin digər xəbərləri
