ŞƏHƏRİN QAZ VƏ ELEKTRİK TƏCHİZATI YAXŞILAŞDIRILIR
Bakı şəhər icra hakimiyyətinin başçısı Hacıbala Abutalıbov AZƏRTAC-a bildirmişdir ki, paytaxtın 2006-2007-ci illərin payız-qış mövsümünə hazırlıq məqsədilə şəhərdə qazın bərabər paylanmasını təmin etmək üçün müəyyən işlər görülmüşdür. Bu sahədə Bakı Şəhər Baş İstehsalat Qaz İdarəsi ilə birlikdə mütəmadi iş aparılır. Şəhərin elektrik təchizatını yaxşılaşdırmaq və ifrat yüklənmiş mövcud şəbəkələrin işlərini normal vəziyyətə salmaq üçün “Bakıelektrikşəbəkə” tərəfindən 36 ədəd transformator daha güclüləri ilə əvəz edilmişdir.
