ŞƏHRİYAR MƏMMƏDYAROV GƏNCLƏR ARASINDA ŞAHMAT ÜZRƏ DÜNYA ÇEMPİONU OLMUŞDUR
Azərbaycan qrossmeysteri Şəhriyar Məmmədyarov Naxçıvan Muxtar Respublikasının paytaxtında keçirilmiş 20 yaşınadək gənclər arasında şahmat üzrə dünya çempionatının sonuncu turunda Vitali Baçinlə (Rusiya) heç-heçə oynayaraq çempion adını qazanmışdır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Şəhriyar Məmmədyarovun dünya çempionu olması üçün 13-cü turda heç-heçə oynaması da kifayət idi. Şahmatçımız buna nail oldu. Qızlar arasında dünya çempionu yarışların başa çatmasına iki tur qalmış müəyyən edildi. Bu yüksək ada Nana Dzaqnidze layiq görüldü.
Bölmənin digər xəbərləri
