ŞƏKƏRLİ DİABET XƏSTƏLƏR DÖVLƏT HESABINA MÜALİCƏ OLUNMALIDIRLAR
Bu fikir Milli Məclisin sosial siyasət daimi komissiyasının “Şəkərli diabet xəstəliyinin profilaktikası və müalicəsi haqqında” Qanun layihəsinin müzakirəsinə həsr olunmuş iclasında səslənmişdir.
Qeyd olunmuşdur ki, bu qanun şəkərli diabet xəstəliyinə tutulmuş şəxslərə dövlət qayğısının təşkilati-hüquqi əsaslarını müəyyən edir və bu xəstəliyin profilaktikası, onunla mübarizə sahəsində yaranan münasibətləri tənzimləyir.
Müzakirələr zamanı bildirilmişdir ki, aparılan tədqiqatlara əsasən 2010-cu ilədək dünyada şəkərli diabet xəstələrin sayının 230 milyona çatacağı proqnozlaşdırılıb. Azərbaycanda bu xəstəliyin qarşısının alınması və profilaktikası üçün qanun hazırlanması məqsədəuyğun sayılsa da, müzakirələrdə iradlar da səslənmişdir. Qeyd edilmişdir ki, şəkərli diabet xəstələrin müalicəsinin ianə və yardımlar hesabına aparılması müxtəlif problemlər yaradacaqdır. Deputatların fikirincə, bu cür xəstələrin müalicəsi, inkişaf etmiş ölkələrdə olduğu kimi, Azərbaycanda da dövlət hesabına aparılmalıdır.
Bölmənin digər xəbərləri
