İQTİSADİYYAT
ŞƏKİ ŞƏRAB ZAVODUNUN TİKİNTİSİ BAŞA ÇATMAQ ÜZRƏDİR
AZƏRTAC xəbər verir ki, “Aqroinveskom” Məhdud Məsuliyyətli Cəmiyyətinin Şəkinin Çələbixan qəsəbəsi ərazisində inşa etdiyi şərab zavodunun tikintisi başa çatmaq üzrədir.
Zavodun ümumi dəyəri 7 milyon avrodur. 4 hektar ərazisi olan zavodda üzüm emalı sexi, inzibati bina və yardımçı tikililər inşa edilmişdir. Zavodda İtaliyanın “Bella Doffola SPA” şirkətinə məxsus 4,9 milyon avro dəyərində ən müasir texnoloji avadanlıq quraşdırılmışdır. Müəssisə ildə 2 min ton üzüm emal etmək gücünə malik olacaqdır. İlkin mərhələdə müəssisədə 35 nəfər daimi işçi çalışacaqdır.
Hazırda zavodun tikintisində son tamamlama işləri aparılır.