ŞƏKİDƏ ARMRESLİNQ ÜZRƏ TURNİR KEÇİRİLMİŞDİR
Şəki, 16 oktyabr (AZƏRTAC). Şəki Şəhər Gənclər və İdman İdarəsinin təşkilatçılığı ilə şəhərin 20 Yanvar parkında armreslinq üzrə turnir keçirilmişdir. “Narkomaniya və alkoqolizmə qarşı mübarizə, sağlam həyar tərzi” devizi altında keçirilən turnirdə 100 nəfərə yaxın yeniyetmə və gənc mübarizə aparmışdır.
Turnirin açılış mərasimində şəhər gənclər və idman idarəsinin rəisi Vüqar İsgəndərov çıxış edərək gənclərlə iş sahəsində görülən işlər barədə məlumat vermiş, yarış iştirakçılarına uğurlar arzulamışdır.
Sonra yarışlara start verilmişdir. Altı çəki dərəcəsi üzrə keçirilən turnirin qalibləri, eyni zamanda, oktyabrın 24-25-də Bakı şəhərində keçiriləcək armreslinq üzrə Azərbaycan kuboku uğrunda yarışlara vəsiqə qazanmışlar.
Turnirin qaliblərinə mükafatlar təqdim edilmişdir.
Bölmənin digər xəbərləri
