ŞƏKİNİN KƏNDLƏRİNDƏ YENİ ARTEZİANLAR İSTİFADƏYƏ VERİLİB
Şəki Şəhər İcra Hakimiyyətindən AZƏRTAC-ın müxbirinə bildirmişlər ki, rayonun kəndlərinin içməli su ilə təminatının yaxşılaşdırılması üçün kənd yerlərində yeni artezian quyularının qazılması davam etdirilir. Bir neçə gün əvvəl Şorsu kəndində “Azərsu” Səhmdar Cəmiyyətinin xətti ilə daha bir artezian quyusu qazılaraq əhalinin istifadəsinə verilmişdir. Bundan əvvəl isə rayonun Böyük və Kiçik Dəhnə, habelə Baş Göynük kəndlərində də yeni artezianlar istismara verilmişdir.
Cari ilin sonunadək rayonun Qoxmuq, Daşbulaq və Aşağı Göynük kəndlərində də yeni artezian quyularının qazılması nəzərdə tutulur.
