Səkkiz ayda istehlakçılara 140 milyon manatadək ƏDV məbləği qaytarılıb
Bakı, 8 sentyabr, AZƏRTAC
“ƏDV geri al” layihəsinin tətbiqi uğurla davam etdirilir.
Dövlət Vergi Xidmətindən AZƏRTAC-a bildirilib ki, cari ilin yanvar-avqust ayları ərzində ölkə ərazisində pərakəndə ticarət, ictimai iaşə fəaliyyəti göstərən şəxslərdən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla), teatr tamaşaları, film nümayişi, muzey ziyarəti və simfonik orkestrin konserti sahəsində, həmçinin tibb müəssisələri və özəl tibbi praktika ilə məşğul olan fiziki şəxslər tərəfindən həyata keçirilən xidmətlərə, işğaldan azad edilmiş ərazilər daxilində yerləşmə vasitələri hesab edilən mehmanxanalar (hotellər) tərəfindən gecələmə və qalma xidmətlərinə görə ödənilmiş ƏDV-nin müvəkkil banklar tərəfindən istehlakçılara qaytarılmış həcmi 139 milyon 829,14 min manat olub.
Yanvar-avqust aylarında xarici vətəndaşlar tərəfindən respublika ərazisində fərdi istehlak üçün alınmış mallara görə dövlət büdcəsindən qaytarılmış ƏDV-nin (“Tax free”) məbləği 6 milyon 208,3 min manat təşkil edib.
Bölmənin digər xəbərləri
