Səlim Babullaoğlu: Filmdə Stalin repressiyalarının retrospektiv planda faciəvi və tarixi fəlsəfəsi araşdırılıb
Bakı, 17 noyabr, AZƏRTAC
Bu il ölkə başçısı İlham Əliyevin Sərəncamı ilə böyük şairlər Əhməd Cavad və Hüseyn Cavidin yubileyləri qeyd olunur. Filmin təqdimatı bu yubileylərlə üst-üstə düşməsi qanunauyğundur, çünki həmin adlar 1937-ci il amansız Stalin repressiyalarına məruz qalmış ədiblərimizin parlaq simvollarıdır.
AZƏRTAC xəbər verir ki, bu sözləri Səlim Babullaoğlu “Sözün repressiyası” sənədli filminin təqdimatı zamanı deyib.
“Filmdə repressiya qurbanına çevrilmiş 31 yazıçı, şair və digər ədiblərimiz xatırlanır, bəzilərinin acı taleyindən danışılır. Eyni zamanda, filmdə Stalin repressiyalarının retrospektiv planda faciəvi və tarixi fəlsəfəsi araşdırılıb. Qarşımızda bir məqsəd dururdu ki, tamaşaçı filmə baxarkən o dövr haqqında aydın təsəvvür əldə etsin. Biz həmin görkəmli aydınlarımızı, əslində bizi müstəqilliyə doğru aparan şəhidlərimizi dərin ehtiramla anırıq”, - deyə Səlim Babullaoğlu bildirib.
Bölmənin digər xəbərləri
