“ŞELL” ŞİRKƏTİ DÜNYADA ƏN İRİ ALTERNATİV ENERJİ LAYİHƏSİNDƏN ÇIXMIŞDIR
Böyük Britaniyanın “Tayms” qəzeti yazır ki, “London Errey” layihəsi Temza çayının mənsəbində ümumi gücü 1 min meqavatt olan 341 külək turbininin tikintisini nəzərdə tutur. Bu enerji Londondakı binaların dörddə birini elektriklə təmin edə bilər.
2003-cü ildə layihənin smeta dəyəri 2 milyard dollar idi. 2 ildən sonra bu məbləğ 3 milyarda, hazırda isə 5 milyarda çatmışdır. Nəticədə layihədə 33 faiz payı olan “Şell” iş birliyindən imtina edərək səhmlər paketini satmaq qərarına gəlmişdir.
“Fayneşl tayms” qəzeti yazır ki, “Şell”in bu addımı külək enerjisi sahəsində ən iri layihənin gerçəkləşdirilməsini sual altında qoymuşdur.
Bölmənin digər xəbərləri
