Şəmkirdə 510 hektar yeni meyvə bağı salınıb
Şəmkir, 23 yanvar, Vüsalə Cənnətova, AZƏRTAC
Ötən mövsüm Şəmkirdə 510 hektar yeni meyvə bağı salınıb.
Şəmkir Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumata görə, bunun 427 hektarı intensiv, 83 hektarı isə ənənəvi bağlardır. Bununla da rayonda meyvə bağlarının sahəsi 5735,5 hektara çatıb.
Ötən il bu bağlardan 122175 ton məhsul götürülüb. Bu göstərici 2024-cü illə müqayisədə 13674 ton çoxdur. Təkcə üzüm bağlarının sahəsi 531 hektardır. Bu sahələrdən 9613,9 tonu süfrə, 4930,2 tonu şərab üzümü olmaqla, 12109,7 ton məhsul yığılıb.
Rayonda yetişdirilən meyvə məhsulları daxili bazara çıxarılmaqla yanaşı, xarici bazarlara da ixrac olunur.
Bölmənin digər xəbərləri
