SENATOR JAN-PYER RAFAREN FRANSANIN YENİ BAŞ NAZİRİ TƏYİN OLUNMUŞDUR
Fransa prezidentinin fərmanı ilə senator Jan-Pyer Rafaren ölkənin yeni baş naziri təyin olunmuşdur. Bu vəzifədə o, mayın 6-da istefa vermiş sosialist Lionel Jospeni əvəz etmişdir.
İTAR-TASS xəbər verir ki, 53 yaşlı Rafaren Fransa siyasi dairələrinin sağ-mərkəzçi cinahını təmsil edir və liberal demokratlar partiyasından senatordur. O, prezident Jak Şirakın ən yaxın adamları sirasına daxıldir və bazar günü keçirilmiş seçkilərdə onun qalib gəlməsində mühüm rolu olmuşdur.
Rafaren budəfəki seçki kampaniyası zamanı bildirmişdir ki, gələcək hökumətin ən vacib vəzifəsi təcili təşəbbüslər göstərməkdən, ilk növbədə, “respublika təsisatlarının” möhkəmləndirilməsindən və “sosial dialoq”dan ibarət olacaqdır.
Bölmənin digər xəbərləri
