“ŞƏNGÜLÜM, ŞÜNGÜLÜM”ÜN MAŞTAĞAYA SƏFƏRİ
Bakı, 15 oktyabr (AZƏRTAC). Oktyabrın 15-də Bakı Şəhər Gənclər və İdman Baş İdarəsi (BŞGİBİ) Maştağa qəsəbəsinin 1 nömrəli internat məktəbində uşaqlar üçün əyləncəli proqram təşkil etmişdir. Əyləncə tədbirində Abdulla Şaiq adına Azərbaycan Dövlət Kukla Teatrının aktyorlarının ifasında “Şəngülüm, Şüngülüm” tamaşası nümayiş etdirilmişdir.
BŞGİBİ-nin Gənclər şöbəsinin müdiri Nəcəf Novruzov və teatrın quruluşçu rejissoru Elşad Rəhimzadə bildirmişlər ki, “Uşaq ili” çərçivəsində keçirilən bu əyləncəli tədbirin məqsədi yardıma ehtiyacı olan uşaqları əyləndirmək, onların zövqlərnin formalaşmasına, incəsənətə maraqlarının artmasına yardımçı olmaqdır.
Uşaqlar tamaşanı böyük sevinclə qarşılamışlar. Maraqla izlənilən tamaşadan sonra aktyorlar uşaqlarla xatirə şəkli çəkdirmişlər.
Bölmənin digər xəbərləri
