SƏRNİŞİN BƏRƏSİNİN ÇEVRİLMƏSİ NƏTİCƏSİNDƏ 50-DƏN ARTIQ ADAM HƏLAK OLMUŞDUR
TASS-ın verdiyi xəbərə görə, iyulun 27-də Hindistanın cənubundakı Vembanand gölündə (Kerala ştatı) sərnişin bərəsinin çevrilməsi nəticəsində 50-dən artıq adam həlak olmuşdur. Yerli polisin məlumatına görə, 400 sərnişini olan gəmi Muhamadan Kumarakoma gedirmiş. Hadisənin səbəbi hələlik dəqiq müəyyənləşdirilməmişdir. Lakin bir mülahizəyə görə faciə gəminin həddindən artıq yüklənməsi nəticəsində baş verə bilərdi.
Hazırda sağ qalan adamları axtarıb tapmaq üçün xilasetmə əməliyyatı aparılır. Yerli hakimiyyət orqanları kömək üçün özəl gəmilərin sahiblərinə müraciət etmişlər.
Bölmənin digər xəbərləri
