ŞƏRQİ GÜRCÜSTANDA DAŞQININ NƏTİCƏLƏRİ
Gürcüstan Prezidenti Eduard Şevardnadze iyul ayının əvvəllərində ölkənin bəzi şərq rayonlarında baş vermiş daşqınların nəticələrinin çox ağır olduğunu bildirmişdir. Prezident milli radio ilə çıxış edərək demişdir ki, daşqınlar nəticəsində Siqnaki, Qurcaani, Telavi rayonlarına və Axmetı rayonunun bir hissəsinə böyük zərər dəymiş, bir neçə min hektar kənd təsərrüfatı əkinləri məhv olmuşdur.
Daşqınlar nəticəsində 1700-ə yaxın evin birinci mərtəbələrini su basmış, onlarca piyada və avtomobil körpüləri dağılmış, ölkənin energetika təsərrüfatına və su təchizatı obyektlərinə küllü miqdarda ziyan dəymişdir. Mütəxəssislərin fikrincə, bu, son 60 ildə Şərqi Gürcüstanda ən dağıdıcı daşqındır. İlkin hesablamalara görə, təbii fəlakət 46 milyon dollar məbləğində ziyan vurmuşdur.
Bölmənin digər xəbərləri
