SƏUDİYYƏ ƏRƏBİSTANI KRALLIĞI AZƏRBAYCANIN QAÇQIN VƏ MƏCBURİ KÖÇKÜNLƏRİNƏ ƏLAVƏ HUMANİTAR YARDIM GÖSTƏRƏCƏK
Görüşdə səfir Ermənistanın Azərbaycana təcavüzünün mahiyyəti, nəticələri barədə məlumat vermişdir. Qeyd edilmişdir ki, işğal nəticəsində Azərbaycanın 20 faiz torpaqları zəbt olunmuş, 1 milyondan çox adam öz vətənində qaçqın və məcburi köçkünə çevrilmişdir. Bu insanlar 12 ildən çoxdur ki, ağır problemlər içərisində yaşayırlar.
Səfir Elman Araslı Azərbaycanın qaçqın və məcburi köçkünlərinə Səudiyyə Ərəbistanı Krallığının göstərdiyi humanitar yardımlara görə təşəkkürünü bildirmiş və bunun ölkəmizin rəhbərliyi və xalqı tərəfindən yüksək qiymətləndirildiyini həmsöhbətinin diqqətinə çatdırmışdır. Diplomat qarşıdan gələn müqəddəs Ramazan bayramı ilə bağlı qaçqın və məcburi köçkünlərimizə humanitar yardımın həcminin artırılmasını xahiş etmiş və bununla əlaqədar səfirliyin məktubunu təqdim etmişdir.
Görüşdə Səudiyyə Qırmızı Aypara Cəmiyyətinin sədri Abdulrahman bin Əbdüləziz Assuveylim Azərbaycan və Səudiyyə xalqları arasında qardaşlıq münasibətlərinin olduğunu bildirərək, qaçqın və məcburi köçkünlərimizə əlavə humanitar yardım göstəriləcəyinə söz vermişdir.
Bölmənin digər xəbərləri
