Səudiyyə Ərəbistanında qadınlara Silahlı Qüvvələrdə xidmət etməyə icazə verilib
Bakı, 3 oktyabr, AZƏRTAC
Səudiyyə Ərəbistanının hakimiyyəti qadınlara ölkənin Silahlı Qüvvələrdə xidmət etməyə icazə verib.
AZƏRTAC “Asharq al-Awsat” qəzetinə istinadla xəbər verir ki, bundan sonra səudiyyəli qadınlar bütün qoşun növlərində sıravilikdən çavuş rütbəsinədək qulluq edə biləcəklər.
Bu yaxınlara qədər Səudiyyə Ərəbistanı qadınlara münasibətdə ən mühafizəkar ölkələrdən biri hesab olunurdu. Kral Salman bin Əbdüləziz Al Səud hakimiyyətə gəldikdən sonra vəziyyət köklü surətdə dəyişməyə başlayıb. Kompleksi iqtisadi və sosial islahatlar barədə qəbul olunan plan - “Baxış-2030” xüsusən qadınların vəziyyətinə ciddi təsir edir, onların cəmiyyətin bərabərhüquqlu üzvünə çevrilməsinə şərait yaradır.
Bölmənin digər xəbərləri
