SƏUDİYYƏ ƏRƏBİSTANININ CƏRRAHLARI SİAM ƏKİZLƏRİNİ AYIRMIŞLAR
AZƏRTAC xarici informasiya agentliklərinə istinadla xəbər verir ki, Ər-Riyaddakı Kral Əbdüləziz adına tibb mərkəzində Kasablankada doğulmuş Səfa və Marua adlı siam əkizlərinin bir-birindən ayrılması əməliyyatı səudiyyəli cərrahlar tərəfindən uğurla aparılmışdır.
Əməliyyat fəsadsız ötüşmüş, qızların vəziyyəti sabitdir. Onlar reanimasiya şöbəsində 10 gün qalmalıdırlar.
Mərakeşli qızların xilas edilməsi Səudiyyə Ərəbistanı kralının əməliyyatı maliyyələşdirməsi sayəsində mümkün olmuşdur.
Bədənlərinin və qarınlarının aşağı nahiyəsindən bitişik olan əkizləri bir-birindən ayırmaq əməliyyatı 9 saat çəkmiş və bir neçə mərhələdə aparılmışdır. Bu sahədə çoxdan ixtisaslaşmış səudiyyəli cərrahlar artıq 20-dən çox belə əməliyyat aparmışlar.
Bundan əvvəl 2006-cı ildə onlar digər mərakeşli əkizləri - Xafsu və İlmamı bir-birindən ayırmışdılar.
Bölmənin digər xəbərləri
