S.LAVROV: HƏDDİNDƏN ARTIQ AÇIQLIQ DAĞLIQQARABAĞ PROBLEMİNİN HƏLLİNƏ MANE OLA BİLƏR
Onun fikrincə, “həddindən artıq hansısa açıqlıq, hansısa bir müddətədək razılaşma əldə olunacağı barədə hər hansı vəd işə çətin ki kömək etsin”. O xatırlatmışdır ki, Dağlıq Qarabağ probleminin həlli ilə, ilk növbədə, münaqişə tərəflərinin özləri məşğul olurlar və Minsk qrupunun həmsədrləri – Rusiya, ABŞ və Fransa isə onlara kömək edir.
Lavrov demişdir ki, Brüsseldə ATƏT-in Xarici İşlər Nazirləri Şurasının iclasında Dağlıq Qarabağ haqqında bəyanat razılaşdırılıb və o, Ermənistan üçün də, Azərbaycan üçün də məqbuldur.
ATƏT-in sədri olan ölkənin – Belçikanın xarici işlər naziri Karel de Quxt isə Dağlıq Qarabağ münaqişəsinin 2007-ci il ərzində nizama salınması üçün çox yaxşı imkanlar olduğunu hesab edir. O, Brüsseldə ATƏT-in nazirlər görüşündən sonra demişdir: “Zənnimcə, həll edilməli olan hansı məsələlərin qaldığı indi daha yaxşı başa düşülür. İstərdim ki, detallar barədə təfsilata çox da varılmasın. Lakin hiss edirəm ki, bu münaqişənin gələn il ərzində sona yetəcəyini görmək üçün yaxşı imkan mövcuddur”.
Bölmənin digər xəbərləri
