Son həftə ərzində yol infrastrukturu ilə bağlı görülən işlər açıqlanıb
Bakı, 27 dekabr, AZƏRTAC
Azərbaycan Avtomobil Yolları Dövlət Agentliyi (AAYDA) tərəfindən 2021-ci il yol infrastrukturu ilə bağlı dekabrın 20-dən 26-dək yerinə yetirilmiş işlər barədə məlumat açıqlanıb.
Agentliyin İctimaiyyətlə əlaqələr şöbəsindən AZƏRTAC-a bildirilib ki, həmin müddət ərzində I texniki dərəcəli Əhmədbəyli-Füzuli-Şuşa avtomobil yolunun tikintisi sürətlə davam etdirilir, Əhmədbəyli-Füzuli-Şuşa yolu boyunca ümumi uzunluğu təqribən 7,7 kilometr təşkil edən 8 tunelin tikintisi aparılır, qeyri-sabit hava şəraiti ilə əlaqədar olaraq avtomobil yollarının qar və buzdan təmizlənməsi istiqamətində addımlar atılıb.
Bundan başqa, son 18 il ərzində respublikada 19,2 min kilometr yol tikilib və yenidən qurulub, 460 körpü, yol ötürücüsü və tunel inşa edilib, I texniki dərəcəli yolların uzunluğu artaraq 935,5 kilometr olub.
Ümumilikdə isə son 18 il ərzində Bakıda 83 yol ötürücüsü və tunel, 99 piyada keçidi inşa edilib, 2010,5 kilometr yol tikilib və yenidən qurulub.
Bölmənin digər xəbərləri
