Son iki ayda DƏMX-də 2,7 minə yaxın müraciət cavablandırılıb
Bakı, 10 mart, AZƏRTAC
Bu ilin yanvar-fevral ayları ərzində Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə (DƏMX) daxil olan 2642 ərizə müvafiq qaydada araşdırılaraq cavablandırılıb.
Xidmətdən AZƏRTAC-a verilən məlumata görə, bununla yanaşı 4103 sorğu və məktub cavablandırılıb.
Həmin dövr ərzində xidmətin rəhbər vəzifəli şəxsləri və əməkdaşları tərəfindən 2517 vətəndaş fərdi qaydada qəbul edilib.
Daxil olan müraciətlər əsasən topdan və pərakəndə ticarət, avtomobillərin təmiri, tikinti, emal sənayesi, yaşayışın təşkili və ictimai iaşə, nəqliyyat və digər sahələrlə bağlı olub.
Hər bir müraciət qanunvericiliyin tələbləri əsasında cavablandırılıb, sorğu xarakterli müraciətlərə isə müvafiq izahatlar verilib.
Bölmənin digər xəbərləri
