Sosial xidmət müəssisələrində 2 minə yaxın şəxsə reabilitasiyayönümlü sosial xidmətlər göstərilir
Bakı, 1 noyabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sosial xidmət müəssisələrində həssas əhali qruplarından olan 2 minə yaxın şəxsə stasionar şəraitdə reabilitasiyayönümlü sosial xidmətlər göstərilir.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, agentliyin 13 sosial xidmət müəssisəsi fəaliyyət göstərir ki, onların hər birində müasir tələblərə uyğun yaşayış və reabilitasiya şəraiti yaradılıb.
Qurumun sosial xidmətçiləri və sosial agentlər tərəfindən isə 8,6 mindən çox tənha ahıl və əlilliyi olan şəxs evlərində sosial-məişət xidməti ilə təmin olunur. Onlara ev təsərrüfatında təmizlik işlərinin aparılması, əsas tələbat mallarının alınması və s. işlərdə köməklik göstərilir.
Bölmənin digər xəbərləri
