STAJKEÇMƏNİ UĞURLA BAŞA VURMUŞ HAKİMLİYƏ NAMİZƏDLƏRLƏ YEKUN MÜSAHİBƏLƏR KEÇİRİLMİŞDİR
Ədalət mühakiməsinin səmərəliliyinin artırılması üzrə görülən tədbirlər çərçivəsində hakim vəzifəsinə namizədlərin beynəlxalq standartlar səviyyəsində, tam şəffaf şəraitdə seçilməsi prosesi davam edir.
AZƏRTAC xəbər verir ki, test, habelə yazılı və şifahi imtahanlar mərhələsini müvəffəqiyyətlə adlayaraq, yarım il davam edən tədris kursunu, o cümlədən məhkəmələrdə stajkeçməni uğurla başa vurmuş 102 nəfər hakimliyə namizədlə yekun müsahibələr keçirilmişdir.
Namizədlərin hakim işləmək üçün zəruri keyfiyyətlərə yiyələnməsini müəyyən etmək məqsədilə keçirilən müsahibələrin nəticələri Hakimlərin Seçki Komitəsi tərəfindən qiymətləndirilmiş, bütün hakimliyə namizədlər növbəti mərhələyə buraxılmaqla Məhkəmə-Hüquq Şurasına təqdim olunmuşlar.
Bölmənin digər xəbərləri
