Sudanın Əbu-Şuk köçkün düşərgəsində 40 gündə aclıq və xəstəlikdən 95 nəfər ölüb
Bakı, 29 sentyabr, AZƏRTAC
Sudanın qərbində, Əl-Faşir şəhərində yerləşən Əbu-Şuk köçkün düşərgəsində son 40 gün ərzində azı 95 nəfər aclıq və xəstəliklər nəticəsində həyatını itirib.
AZƏRTAC xəbər verir ki, düşərgənin Təcili Yardım Bölməsinin məlumatına görə, ölənlərin 73-ü beş yaşadək uşaq, 22-si isə yaşlılardır. “Təhlükəsizlik problemləri və ağır humanitar vəziyyət nəticəsində, xüsusilə də humanitar yardımdan və əsas xidmətlərdən məhrum edilmiş məcburi köçkünlər arasında qida, içməli su və tibbi yardım çatışmazlığı olduqca kəskindir”, – deyə məlumatda bildirilir.
Düşərgədə fəaliyyət göstərən könüllülər beynəlxalq təşkilatları mülki əhalinin münaqişə zonasından təhlükəsiz çıxışı üçün humanitar dəhlizlərin yaradılmasına çağırırlar.
Bölmənin digər xəbərləri
