Sumqayıt Dövlət Universitetinin əməkdaşlarının maaşları artırılıb
Sumqayıt, 15 iyul, AZƏRTAC
Sumqayıt Dövlət Universitetinin (SDU) əməkdaşlarının maddi rifah halının yaxşılaşdırılması və sosial müdafiəsinin daha da gücləndirilməsi məqsədilə Elmi Şuranın qərarına əsasən, bu ildən inzibati idarəetmədə çalışan rəhbər heyətin, dekan, dekan müavinləri, kafedra müdirləri, professor və dosentlər, baş müəllim, müəllim heyətinin diferensial sistem ilə əmək haqları artırılıb.
SDU-nun mətbuat xidmətindən AZƏRTAC-a bildirilib ki, universitetin əməkdaşlarının əmək haqlarının 46,5 faiz artırılması gənclərin elmə marağının və elmi fəaliyyətinin inkişaf etdirilməsi, həmçinin gənc alimlərin daha səmərəli fəaliyyətinin təmin edilməsi istiqamətində mühüm əhəmiyyətə malikdir.
Bölmənin digər xəbərləri
