SUMQAYITDA NOVRUZ ŞƏNLİYİ
Buraya toplaşan sumqayıtlılar sevimli xalq personajlarının, atlıların müşayiəti ilə Bahar qızı qarşıladılar. Bu, yeni ilin torpağımıza qədəm qoymasının rəmzi idi.
Parkın bütün meydançalarında təntənəli bayram əhval-ruhiyyəsi hiss olunurdu. Şəhərin tanınmış idmançıları öz ustalıqlarını nümayiş etdirirdilər. Kosa və Keçəl toplaşanları şənləndirir, bədii özfəaliyyət kollektivləri maraqlı və rəngarəng konsert proqramı ilə çıxış edirdilər.
Şənliklərdə şəhər sakinləri ilə birlikdə icra hakimiyyətinin, bələdiyyənin, idarə, müəssisə və təşkilatların rəhbərləri də iştirak etmişlər.
Bayram şənlikləri şəhərin bütün park və bağlarında, habelə Corat və H.Z.Tağıyev adına qəsəbələrində də keçirilmişdir.
