Sürücünü döyərək pulunu alan şəxs saxlanılıb
Bakı, 16 may , AZƏRTAC
Sabunçu rayonunda sürücüyə qarşı quldurluq hadisəsi olub.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, mayın 15-də saat 7 radələrində Sabunçu rayonunun Bakıxanov qəsəbəsi ərazisində “Toyota” markalı avtomobildə sərnişinin sürücünün başına yumruqla vuraraq saxlanc yerindəki 15 manat pulunu götürməsi və düşərək avtomobilə də ziyan vurması barədə polisə məlumat daxil olub.
Quldurluq əməlini törətməkdə şübhəli bilinən paytaxt sakini, əvvəllər məhkum olunmuş Kənan Əsgərov rayon polis idarəsinin 13-cü polis bölməsi əməkdaşlarının keçirdikləri əməliyyat tədbiri ilə müəyyən olunaraq saxlanılıb.
Hadisə ilə bağlı Sabunçu Rayon Polis İdarəsində araşdırma aparılır.
Bölmənin digər xəbərləri
