ŞUŞAYA HƏSR OLUNMUŞ ELMİ KONFRANS
Mayın 31-də Rəşid Behbudov adına Dövlət Mahnı Teatrında “Şuşa Azərbaycanın mədəniyyət və tarix incisidir” mövzusunda elmi konfrans keçirilmişdir.
Bakı İncəsənət Mərkəzi teatrın foyesində Şuşanın mədəniyyətini, tarixini əks etdirən foto və silsilə plakatlardan ibarət sərgi təşkil etmişdi.
Konfransda “Şuşa bu gün”, “Şuşa xalqın mədəni ensiklopediyasıdır”, “Qarabağın memarlıq abidələri”, “Şuşa və onun tarixi keçmişi”, “Şuşa şəhərinin musiqi mədəniyyəti”, “Şuşa nəğmələri” mövzularında məruzələr dinlənildi.
Konfransın sonunda rejissor Ələkbər Muradovun çəkdiyi “Şuşanın yolları” videofilm nümayiş etdirildi.
Bölmənin digər xəbərləri
