Meliorasiya və Su Təsərrüfatı Komitəsinin Hacıqabuldakı yerli strukturları suvarma şəbəkələrinin əsaslı təmiri proqramının növbəti mərhələsini yerinə yetirmişlər.

Qubalı-Baloğlan və Qızılburun kəndləri istiqamətindəki intensiv axarlı 20 kilometrlik kanal lildən təmizlənmiş, Ağacallı kəndindəki nasos stansiyalarının avadanlığı təzələnmiş, habelə digər hidrotexniki tədbirlər görülmüşdür ki, nəticədə rayonun 4 min hektar əkin sahəsini bol su ilə təmin etmək imkanı yaranmışdır.