ELM VƏ TƏHSİL
TADEUŞ SVYATAXOVSKİ TƏLƏBƏLƏRLƏ GÖRÜŞMÜŞDÜR
Ölkəmizdə səfərdə olan tanınmış alim, ABŞ-ın Kolumbiya Universitetinin “Xəzər üzrə layihələr proqramı”nın üzvü, professor Tadeuş Svyataxovski Bakıdakı Qərb Universitetində professor-müəllim heyəti və tələbələrlə görüşmüşdür. Dəfələrlə respublikamızın qonağı olan, ölkəmizin tarixinin tətqiqi ilə bağlı bir çox kitab və məqalələr yazan alim bildirdi ki, Azərbaycana indiki gəlişinin əsas məqsədi yeni məlumatlar toplamaqdır. İndi o əsas diqqətini Azərbaycanın müasir tarixini öyrənməyə yönəltmişdir.
Tadeuş Svyataxovski ölkəmizin qədim və zəngin tarixi, müstəqil dövlətimizin dünya birliyindəki mövqeyi barədə fikirlərini söylədi, Azərbaycan həqiqətlərinin beynəlxalq ictimaiyyətə çatdırılması üçün gördüyü işlərdən danışdı.
Alim nəşrə hazırladığı “Azərbaycan - keçmişin mirası, müstəqilliyin izləri” adlı yeni kitabı barədə də məlumat verdi.