“Taliban” hərəkatının lideri siyasi məhbusları azadlığa buraxmağı əmr edib
Bakı, 19 avqust, AZƏRTAC
“Taliban” hərəkatına rəhbərlik edən Heybətullah Axundzadə bütün siyasi məhbusları həbsxanadan buraxmağı əmr edib.
AZƏRTAC KİV-ə istinadla xəbər verir ki, bu barədə hərəkatın nümayəndəsi Kari Yusuf Əhmədi özünün tviter səhifəsində yazıb.
“İslam Əmirliyinin ali lideri şeyx Əl-Hədis Heybətullah Axundzadə (Hafizullah) bütün həbsxanalardakı siyasi məhbusların azadlığa buraxılmasını əmr edib. Əyalət qubernatorları onları azad edəcək və ailələrinə təhvil verəcək”, - deyə o bildirib.
Xatırladaq ki, avqustun 15-də paytaxt Kabilə döyüşsüz daxil olan “Taliban” hərəkatının silahlı dəstələri ölkə ərazisinin tam nəzarət altına alındığını elan edib. Prezident Əşrəf Qani qan tökülməsinin qarşısını almaq üçün prezident postunu tərk edərək Birləşmiş Ərəb Əmirliklərinə sığınıb.
Bölmənin digər xəbərləri
