TAMBOV VİLAYƏTİNDƏ SURROQATDAN KÜTLƏVİ ZƏHƏRLƏNMƏ QEYDƏ ALINMIŞDIR
AZƏRTAC “Novosti” aqentliyinə istinadla xəbər verir ki, Rusiyanın Tambov vilayətinin Miçurin rayonunda alkoqol surroqatından kütləvi zəhərlənmə qeydə alınmışdır. Miçurin rayonunun müalicə müəssisələrinə 18-70 yaşlarında 41 yerli sakin gətirilmişdir. Onların hamısına toksik hepatit diaqnozu qoyulmuşdur. Xəstələrdə - dərinin saralması, qaşınma, qaraciyər nahiyəsində bərk ağrılar, yüksək hərarət müşahidə olunur.
Milis əməkdaşları 200 litirdən artıq spirttərkibli surroqat maye müsadirə etmişlər. Surroqatla zəhərlənmənin qarşısını almaq məqsədi ilə apteklərdə yoxlamalar aparılır.
Bölmənin digər xəbərləri
